هذه قصيدة راائعة عن التوبة للشاعر : محمد العصيمي - جزاه الله خيراً وأثابه وثبته ونفع به - هذا نصها : أبغى أسد لاقلت تبنا انتهينا @ يقبل ودمعات الندم تحرق الخد عيب علينا للولي كم عصينا @ تشهد علينا نعمته راس مع يد نغضبه بذنوب وبال علينا @ والموت قادم والقبر جاهز امعد من قبل قولة ليتنا ماخطينا @ في وقت صكات اللحد ساعة الجد ماعاد ينفع وقتها لو بكينا @ مهلة وراحت بابها صار منسد من قبل جيش الموت يزحف علينا @ واحنا بطولة مالنا نحتري الغد يالله بتوبة تشرح الصدر فينا @ ونكسر قيود ابليس ياجعلها الهد أبغى أسد ويقول ياربي جينا @ من عقب ماطول بنا البعد والصد ونفرح الخالق برفع اليدينا @ يارب انا تايب وللطاعة امود لاياشباب الله وأكبر علينا @ إلى متى واحنا مع الجزروالمد ؟ ياما ليالي للمعاصي سرينا @ وذنوبنا بالحصر لا مالها عد بالزكرتة واللف ياما انعمينا @ والحال روح بعدها راح منهد نطرد وهم ياليتنا مامشينا @ درب الدمار اللي خذانا ولارد ابليس واعوانه تواصوا علينا @ أشهد شهادة حق بالله انااشهد الله عطانا الدين وأنعم بدينا @ والغيرهندوسي يهودي ومرتد اش له نقلدهم ونحني الجبينا @ من عقب ماكنا على قمة المجد اما على روس المعالي رقينا @ والالبسنا برقع الذل من جد ياعزوتي تكفون ربي يبينا @ هوالغني عنا على ويش بنصد أمة محمد كلها تحترينا @ وأقصى الكرامة ينتخي مالقى رد هذي قصيدة واضحة ياسنينا @ ان الحياة أيام والعمر له حد وختامها ياربي ترضى علينا @ احنا عبيدك عبد من سلسلة عبد للتحميل القصيدة بصوت الشاعر : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] أو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] هذا الطلب بس ما أدري صوت الطفل دخت ما حصلته