ســـــــلامـ عـــــــليــكمــ..
أخــبـــــاركمـ عــلومــكمـ..
هاذي قـصـيدهـ عن جــمــيعـ القــبايل .. أتــمــنى أنــهــا تــعــجبــكمـ
.
.
.
يالله يـاخــــالق اراضيــن وابـحــار****الواحد المعــبود رازق عبـيده
الخـالـق الغـــفار عـلام الاســــرار****وفرق شعوب الارض في كل يده
وابدي واسولف من عذيبات الاشعار****ابــيات شعر والمعـاني وكيده
اشري وابيع واعرف كيـف بـخـــتار****واختار من جزل البيوت الـفريده
واذكر تـراث وعز وامـــجاد وافخار****قبائل تومن بديــن و عـقيده
وصلت حضارتنا على سـطح الاقمار****ابنا الجزيرة والجزيره مــجيده
في ظـل حـكـام لهـــم فعـل واشــوار****آل السـعود الـلي تفك الضهيده
نسـل الزعـيم الحـاكم الـعـادل البــار****مجدد امجـاد الجــزيره بجيده
حتى اصـبحت حـره وحـنا له انـصار****في ظل اخو نوره هنوف سعيده
وصارت لأبـو تركـي بطـوله وتـذكـار****والفخر والامجاد تبقى شهيده
وخلف لنا املوك لــهم فعل واخــــبار****الشعب واحد والقياده رشيده
والامن بانــــينه على ســـاس وجــدار****وقرو على العابث عقوبه شديده
وحنا حمــاة الـــدار من كل غـــــــدار****وما همنا بطشه وخبثه وكيده
قــبائــل ما لـحـــقنـــى هــم او عــــار**** وعشنا بهذي الدار عيشه رغيده
والـحـمـد لله نـحـمـده ســر واجـهـــار****شعب تكاتف من سنين مديده
ودون الوطـن جـيـش عـلى كل مـعـبار****لارفرف البيرق ونادى عقيده
بـشرق البلاد وغـربـهـا دوم حــضــار****وارض الشمال اللي نفوده مديده
وارض الجنوب اللي تخيضربالاشجار****جزيرة فيها القبايل عديده
وارض بـها قحـطان وافـيـن الاشـبـار****وياعز منهم بالشدايد بسيده
واذكـر عتـيـبه يـوم للطـيـب مــغـوار****لا ثارت الهيجا وقرب ضديده
وشمر أهل الطـولات والجود مـقـدار****أهل الكرم واهل الفعول الحميده
وقوم اعنزه مروين الاخصام الامرار****اولاد وايل من عصور عهيده
ومـطـير قــوم تـكرم الضـيف لا زار****وياويل خصم في حراهم وعيده
واذكر قـبـيلة حرب يانـعم الاخــيــار****وتاريخهم يحكي سطور مجيده
وسـبيـع نعم القـوم ووجـيه الاسـفـار****زبن الدخيل ليا زبن من طريده
واذكر قبـيلة يـــام والطـيب يـنـــدار****اهل العلوم الوافيه والرشيده
ثـم الدواسر تجـعل الخـصـم مـنـهـار****عيال زايد عز منهم سنيده
ثـم السهول اللي لها الطيب مدرار****وعن منهج العادات ماهي محيده
ثـم اذكر العـجـمـان حماية الجــار****والمرجله والجاه فيهم عتيده
واذكر بني مـره طويـلين الاعــمار****ما ينقد المري ولا له نقيده
ثـم الهـواجر لابـة تـقـدح الــنــــار****اهل الركاب اللي خطاها بعيده
واذكـر بنـي خـالد قـبـيـلة وأمــــار****قوم لهم في المجد قول ورصيده
وبني تـمـيم اللي لها الطيب مصدار****بني تميم وكل فعل تجيده
ثـم الزعوب اللي بها الخصم يحتار****شجعان ماترضى سوا ماتريده
العـازمي وافي وفـي الطيب بـيطار****روحه على كل المصاعب صميده
ثـم الظـفيري في المصاعيب جبـار****والطيب والامداح باصله وطيده
ثـم اذكر الاشراف بـجلال واكـبـار****اهل الحجاز اللي تفك الزهيده
ثـم الهـذيـلي لـه مواقـف ومــنــدار****راعي الفخر راعي العلوم السديده
ثـم الـبقـوم اللي لهم جيش وامهــار****ريف الضيوف ليا لفاهم وليده
واذكر ثـقـيف اللي لهم مجد وآثــار****ومهما حسبنا من كلام نعيده
وبلـحارث اهل العز بشهود واقرار****الحارثي ياطيب فعله وجيده
والمالكي معروف لا صار ما صار****في موقف اهل الطيب يبذل جهيده
واثني تحياتي عـدد وبـل الامطــار****على سليم وكل خصم تكيده
واذكر جـهينه أهل مواقيف وادوار****تلقى الجهيني راسم الطيب بيده
واذكر بلي والمجدله فعل واظهـار****وتاريخهم يحكي فعول فريده
و بني عطيه في المواجيب حضـار****قوم بوقت الجد قومن عنيده
ثـم الحويطي والكرامه له اشعـار****ثـم الشراري له فعول مفيده
ثـم الرشيدي في الصعـيبات صبار****على علوم الطيب فعله يزيده
وباقي جنوب الدار والقـاف مادار****باقي على قلبي كلام واشيده
زهران نعم القوم في وقت الاضرار****والخصم عينه من لقاها سهيده
والغامدي معروف له عزم واصرار****راعي المراجل والعلوم المفيده
وشمران قوم والجمايل لها اطوار****وبلقرن سم للقلوب النكيده
والاكلـــبي والمحلفي مابـعد بـــار****والحارثي طيبه وفعله يشيده
وبنـي شهر وبني عمر سيف بتـار****قوم على الاخصام نار وقيده
والاسمري والاحمري صيتهم سار****بين القبايل والمواقف شهيده
واذكر عسير الهول ذربين الاذكار****وابها احتموها فالسنين الشديده
وادهم والصيعر على حد الاقطار****يحمون حد الدار من اللي يريده
وامشي مع الساحل مع جمله افكار****رسمتها والطير زان اتغريده
وانزل على جيزان تاريخ واديـــار****ورجال فيفا والقبايل عديده
وارجوا العذر واهل المواجيب عذار****الي نسيته مانذكر في القصيده
الواهــبــي عدد ابـــيوتـه بـــالادوار****من شاعر ماشل قلبه حقيده
حـرب ربعي هم هل المدح والــكـار****واهل الكند واهل السيوف الجديده
يوم الـــبلد مايــامن الزنــد لاثـــــار****زيزومنا ابن مبيريك نعم الوليده
فالــجهل شجــعان وفي السلم تجــار****من بطن يثرب للتهم لارفيده
حبـــيت ابــين موقــفي بين شــــعار****وارجوا سموحتكم على ذا النشيده
ماحــب انــافق واتعــنصر تـعنــصار****ولا ني باطيع اهل العقول البليده
ما كــل من طب البحر قيــل بحــــار****وما كل من شل الفشق جاب صيده
فالشــعر بستــان بـه ورد وازهـــار****واللي تعداها بيــــــــوته فقيده
واقولها في الشــعر تكرار وامــرار****ضرف بلا عنوان يلغى بريده
وبعض السوالف له مواقف ومحضار****وشعر بلا معنى لزوم نبيده
وصـلوا على المرسول شفاع الابـرار****محمــد الهادي وقـدوة عبيده
وســــــلامـــــــــتـــكـــمـ

ملـــك االابداع ابدع بهــــذا الطرح الراقي للقصيده
الجميــــــله فصـــــــــــــــح لســـــــان قائلهـــــا
وسلمـــــت يد ناقلهــــــــا فهي قصيده قل ما يكتب
مثلهــــــــا وهـــذا الشــــــــاعر مجلد كــــــامل
بأسمــــــــــاء القبائـــل .....

تقبـــل تحيــــــات ومرور منبع الابداع

قصيده راااااائعة جدا سلمت اخوي على النقل

تسلم على القصيده الرائعه
اخوي جوكر الجنوب لوت غير التوقيع
تراه..................................