أنا مسافر مع الدنيا ولا ادري وين تاليها
ولا ادري وين تبحر بي في هالمره مراكبها


نعم قالوا يا ابن ادم تحرص من بلاويها
ترى أحسن تهملها وعن دربك تجنبها

وأنا واعي شنو باكر وشنهو لو اخاويها
و أنا عارف يا كثر إلي تجرح من مخالبها

بخليها على الراحة و أنا صادق بخليها
مع أني داري عنها كل سواياها و عذاربها

لسايرها وامدحها وبحلى كلمه اغليها
وافهمها أنا إلي كم تمنى بس يكسبها

و أنا والله ما ودي في كل شي أجاريها
و أحاول اكتم الحره و أبين إني صاحبها


الين ألقى هذاك اليوم وابرد حرتي فيها
واعلمها شنو الإنسان إذا عزم يحاربها

عسى ما ارجع لماضيها ولا اتبع خطاويها
ولا ارفض إذا قالوا ما كنت أغلى حبايبها

و إذا حجت حجايجها أنا أول من يبديها
ولا اقدر أضيع أي فرصه كنت حاسبها

خلاص اليوم من حقي وترفع لي أياديها
حلفت بالله وحق الله لعلمها و أدبها


هذاك أول تمشيني وجا دوري أمشيها
وقالوا ميزة الشاطر يضحك في عواقبها


أنا مسافر مع الدنيا ولا ادري وين تاليها

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يعطيك العافية اخي الطيف على الطرح الجميل لا عدمناااك


دمت لأحبااااااااااااااابك

صح لسانك ........ وعلى الاخرى عانك