في(شاعر المليون ) للشعر مضمار=والسابقة في الشوط تظهر بيدها
مضمرين ابكار الافكار.شعار=وكل ٍ يحضر فكرته في وعدها
واللي تردت لا يدور لها اعذار=معذورة ٍ مادام قد ذا جهدها
واللي تعوص وتضرب الحاجز يسار=تنشل في (الدنا) وترجع بلدها
وأنا محضر بنت(صوغان) الافكار=من حبها عندي(اتّفحم) وحدها
ان جارها الله من تصاريف الاقدار=جاتك وجاك الجيش كله بعدها
الله عليها من مقاريد الانظار=وصلت تحسّك ما غَشاها زبدها
وتلقفوها بالعلم رمز وشعار=وصفق لها من هو بعينه شهدها
ومروا بها تو المنصّه كما الطار=ياللي تزعفرها من الطاس زدها
شبهت بالهجن الاصيلات الاشعار=وقصيدتي تراث أهلنا مددها
أعتز به..واقف له اجلال واكبار=واحة شرف ياسعد من هو وردها
أغلى ابلنا ماجَب الضيف والجار=يشرب لبنها قبل يذبح ولدها
وتراثنا من دونه نبيع الاعمار =وبافعالنا رووس المعالي صعدها
واليوم ضاق الجو من كثر الاقمار =تبث حقد اللي لحقده رصدها
غزا الشعر قبل امس غازين الافكار=قومٍ على الساحه دفعها حقدها
تلقفوا ثم جوا من كل الاقطـــار =هذا يصبحها والآخر هجدهـا
هذا يحرف في الادب سر وجهـار=وهذاك يذبح موهبه في مهدهـا
واقفوا على ابل الشعر في وقت الاسحار=غاروا على الساحه وعروا جسدهـــــا
وصاحت بعدها شافت ان سترها طار=ووقف ولد (زايد)(محمد) سعدها
قال ابشري بالستر وبردة الثـــار=واضفى عليها سترها مانشدهـــا
واستل سيفٍ في المواجيب بتار=واطلب ورد البل على من فقدها
على خطى (زايد) خطاويه..مابار=والحــاجه اللي في خياله وجدهـا
أغنى العرب من شوف( أكاديمي ستار)=ومن شوف امر من السخافات وادهى
شفت الشعر بستان وابوابه ازهار=وقطفت مايسقي المشاعر شهدها
قطفتها من تربةٍ تنبت أحــــرار=من دار(ابو مشعل) ذراي ..وسندها